Jákvæð gildi

Líkt og blómið sem þarf sólarljós og vökvun, þá þurfa okkar eigin jákvæðu eiginleikar athygli og umhyggju til að ná að blómstra.

Þegar við beinum athyglinni að bestu eiginleikunum innra með okkur og verðum meðvitaðri um þá byrja þeir að vaxa og dafna.

Leyfðu barninu að velja sér eiginleika sem það langar að upplifa og styrkja innra með sér. Einnig má útbúa spjöld með heitum allra eiginleikanna og draga. Hlustið á hugleiðsluna og spjallið síðan saman um eiginleikann.